٢٣مین حەفتەی خۆپیشاندانەکان لە ئیسرائیل
یەکشەممە ۲۱-۰۳-۱۴۰۲ | 11-06-2023
شەوی شەممە لەسەر یەکشەممە ٢١ی جۆزەردان، بە هەزاران کەس لە خەڵکی ئیسرائیل بۆ جارێکی دیکە هاتنە سەر شەقامەکان و لەدژی کردەوەی دەوڵەتی توندڕەوی بێنامین نێتانیاهوو، خۆپیشاندانیان ئەنجام دا.
بەپێی ڕاپۆرتەکان، ئەم خۆپیشاندانە لە حاڵێکدا بەڕێوەچووە کە ناڕەزایەتییەکانی خەڵک لە شارە جۆراوجۆرەکانی ئیسرائیل لەوانە تێلاڤیڤ، حیفا و ڕەخووت پێ ناوەتە ناو ٢٣مین حەفتەی خۆیەوە. خۆپیشاندەران دەوڵەتی نێتانیاهوو بەوە تاونبار دەکەن کە بە پێشنیار کردنی گەڵاڵەی پێداچوونەوە بەسەر یاسای دادوەری، سەربەخۆیی دەسەڵاتی دادوەری لە ئیسرائیل لاواز دەبێت و بنچینەکانی دێمۆکڕاسی لەم وڵاتە لەرزۆک دەبێت.