Komala

ڕۆژی پێنجشەممە، ١٧ی سەرماوەز، چوار هاووڵاتیی تەمەن ١٧ ساڵ و خەڵکی گوندی “لایەن” سەر بە شاری کامیاران بە ناوەکانی کیانووش ئیبراهیمی، فەرزاد ئەحمەدی، سیرووس ئیبراهیمی، نیما ئیبراهیمی و منداڵێکی تەمەن ١۵ ساڵ بە ناوی سیامەک ئەحمەدی دوای بانگکران بۆ ئیدارەی ئیتلاعاتی کامیاران دەستبەسەر کراون.
پێشتریش لە ڕۆژی سێشەممە، ١۵ی سەرماوەز هێزە سەرکوتگەرەکانی ڕژیمی کۆماری ئیسلامی لە شاری کامیاران، هێرشیان کردووەتە سەر گوندی “لایەن” و دوو منداڵ بە ناوەکانی ئێحسان جەواهێری، تەمەن ١۶ و دیاکۆ ئەسەدی، تەمەن ١٧ ساڵ لەلایەن ئەو هێزانەوە ڕفێندراون.
تا کاتی داڕشتنی ئەم هەواڵە هیچ زانیارییەکی ورد و دروست لەسەر چارەنووس و شوێنی ڕاگیرانی ئەو حەفت منداڵە ڕفێندراوە لە بەردەستدا نییە.