Komala

سەرەڕای تێپەڕبوونی ٤٠ ڕۆژ بەسەر ڕفاندنی نیما سوڵتانی، خوێندکاری زانکۆ و خەڵکی بانە، هێشتا هیچ زانیارییەک لەسەر چارەنووسی ناوبراو لەبەردەستدا نییە. چارەنووسی نیما سوڵتانی (ژاکاو) خوێندکاری بەشی پیشە دەستییەکانی زانکۆی هونەری تاران، کە لە ڕۆژی پێنجشەممە ٣١ی خەرمانانەوە دەستبەسەرە، هەتا ئێستا نادیارە.
شایانی باسە کە ئەم خوێندکارە گوازراوەتەوە بۆ بەندیخانەی ئێڤین و بەدواداچوونی بنەماڵەکەی لە ناوەندە پەیوەندیدارەکانی ڕژیم بێ ئەنجام ماوەتەوە و ئەم ناوەندانە لەم بارەوە هیچ هەواڵێکیان بە بنەماڵەی ناوبراو نەداوە.