چارەنووسی نادیاری هاووڵاتیەکی خەڵکی ئەیوان
پێنجشەممە ۳۱-۰۱-۱۴۰۲ | 20-04-2023
عەلیڕەزا کیانی، تەمەن ٤٠ ساڵ و خەڵکی شاری ئەیوان لەلایەن هێزەکانی ئیتلاعاتی سوپاوە بەبێ هیچ هۆکارێک ڕفێندراوە و سەرەڕای تێپەڕبوونی چوار ڕۆژ چارەنووسی ناڕوونە.
بەوتەی سەرچاوەیەکی ئاگادار، عەلیڕەزا کیانی لەژێر ئەشکەنجە و گوشاری توندی هێزەکانی ئیتلاعاتی سوپادایە.
عەلیڕەزا کیانی ڕۆژی یەکشەممە ٢٧ی خاکەلێوە لەلایەن هێزەکانی ئیتلاعاتی سوپای پاسدارانی ڕژیمەوە لە شاری ئەیوان ڕفێندراوە.
هیچ زانیارییەک لە سەر چارەنووس و ئەو تۆمەتانەی کە دراونەتە پاڵ عەلیڕەزا کیانی هەتا ئێستا لەبەردەستدانییە.