Komala

بە پشتبەستن بە ئامارە تۆمارکراوەکان لە ناوەندەکانی مافی مرۆڤ، لە ماوەی مانگی مارسی ٢٠٢٥دا، لانیکەم ١۷ چالاکی ژن دەستبەسەر کراون و ۶ چالاکی ژنیش لە لایەن دەزگای دادوەریی کۆماری ئیسلامییەوە، حوکمی بەندکرانیان بەسەردا سەپێندراوە. هەروەها لە ماوەی مانگی ڕابردوودا، لانیکەم ۸ حاڵەتی ژنکوژی و ۴ حاڵەتی لەسێدارەدانی ژنان تۆمار کراوە.
بەپێی ئەم ڕاپۆرتە، لە ماوەی مانگی مارسی ٢٠٢٥دا، حوکمی ئێعدامی لانیکەم ۴ ژن بە ناوەکانی “ئاسیە قەوی چێشم” خەڵکی مەشهەد، “نەسرین بارانی” خەڵکی ئیسفەهان، “موژگان ئازەرپیشە” خەڵکی ورمێ و “کەوسەر باقرنژاد” خەڵکی بناو لە زیندانەکانی ڕژیم جێبەجێ کراوە کە یەک کەسیان بە تۆمەتی “پەیوەندیدار بە ماددە هۆشبەرەکان” و سێانەکەی دیکەش بە تۆمەتی “کوشتنی بە ئەنقەست”، حوکمی ئێعدامیان بەسەردا سەپێندرابوو.