Komala

بەپێی ڕاپۆرتەکان، ڕۆژی دووشەممە ٦ی ڕەشەممە، ئیبراهیم محەممەدی بەندکراوی سیاسی خەڵکی سنە، لە بیست چوارەمین ڕۆژی مانگرتن لە خواردنەکەی، بە هۆی تێکچوونی باری تەندروستی، بۆ بێهداری زیندانی ناوەندی سنە ڕاگوێزراوە.
بە پێی ڕاپۆرتی ناوەندی مافی مرۆڤی ئێران، ئیبراهیم محەممەدی لە رێکەوتی ٢٨ی سەرماوەزی ١٤٠٣، بە مەبەستی جێبەجێ کرانی حوکمەکەی بۆ زیندانی سنە ڕاگوێزراوە و لە ناڕەزایەتی بەرامبەر گوشاری دامودەزگا ئەمنییەتی و دادوەریەکان لە دژی ئەندامانی بنەماڵەکەی و حوکمی دەرکراو لە دژی ناوبراو و هەروەها ڕاگیرانی نایاسایی لە زیندان، مانی لە خواردن گرتبوو. جێگای ئاماژەیە، ناوبراو لە رێکەوتی ٢٠ی ڕێبەندانی ١٤٠٢، لە لایەن لقی یەکی دادگای شۆڕشی سنە، بە تۆمەتی “پڕوپاگەندە لە دژی حکومەت” بە ١٢ مانگ زیندان مەحکووم کرابوو.