Komala

ڕۆژی یەکشەممە ١٤ی گوڵانی ١٤٠٤، “ئەژدەر پیری” تەمەن ٣٦ ساڵ و سەرنووسەری گۆڤاری نێودەوڵەتی “لێکۆڵینەوەی گەلان” بە مەبەستی جێبەجێکرانی ماوەی یەکساڵ بەندکرانەکەی بۆ زیندانی ناوەندی کەرەج گواسترایەوە.
ئەژدەر پیری لە ناوەڕاستی مانگی بەفرانباری ساڵی ڕابردوو لە لایەن لقی ٣ی دادگای شۆرشی کەرەج بە تۆمەتی “پڕۆپاگەندە دژی حکوومەت” حوکمی یەک ساڵ بەندکرانی بەسەردا سەپێندرابوو. شایانی باسە، ئەژدەر پیری سەرەرایی یەک ساڵ بەندکران، بە ناوی سزای تەواوکەر، حوکمی دوو ساڵ قەدەغەبوونی چالاکی لە سۆشیال میدیاشی بەسەردا سەپێندرابوو.