بەداخ و پەژارەیەکی زۆرەوە ڕۆژی چوارشەممە ٢٠ی دێسامبری ٢٠٢٣ بەرابەر لەگەڵ ٢٩ی مانگی سەرماوەزی ١٤٠٢ هاوڕێ محەممەد سوڵتانی (ئەیوب مەدائن) سیمای ناسراوی بزووتنەوەی کۆمۆنیستیی ئێران بەهۆی نەخۆشیی سەرەتان ماڵئاوایی لە ژیان کرد.
هاوڕێ محەممەد کە بەرلە ڕاپەڕینی جەماوەریی ساڵی ١٣٥٧ی هەتاوی ڕووی کردبووە خەبات دژبە دیکتاتۆریی سەڵتەنەتی، لە هەڵسووڕاوانی سازمانی چریکەکانی فیدایی خەلق بوو. لە جەریانی ئینشعابی ئەم ڕێکخراوە لە ساڵی ١٣٥٩، بە ئەقەلیەت بەشی شۆڕشگێڕی ئەم سازمانە پەیوەست بوو و لە ڕیزی ئەم سازمانەدا چالاکییەکانی خۆی لە ئێران و دواتر لە دەرەوەی وڵات ئیدامە دا. هاوڕێ محەممەد لە سەرەتاکانی دەیەی ٩٠ بە جەمعی هاوڕێیانی هەستەی ئەقەلیەت پەیوەست بوو و وەک کادری پەیگیر و هەڵسووڕاوی پڕۆژەکانی “ئیتحادی چەپی کارگەری” و “ئیتحادی ئینقلابیی هێزە چەپ و کۆمۆنیستەکان” بوو بە یەکێک لە سیما ئاشنا و خۆشەویستەکانی ئەحزاب و سازمان و هێزە چەپ و کۆمۆنیستەکانی ئێران. هاوڕێ محەممەد هەر بەهۆی ئەم خەسڵەتەیەوە پەیوەندییەکی هاوڕێیانە و نزیکی لەگەڵ حیزبی کۆمۆنیستی ئێران و کۆمەڵە هەبوو و لە کۆنگرەی ١٣ی حیزبی کۆمۆنیستی ئێران بەشداریی کرد و بە وتاری بەسۆز و ڕەفتاری موتەوازعانە و سەمیمانەی گەلێک بیرەوەری و خاترەی لە دوای خۆی بەجێهێشت.
بە گیانبەختکردنی هاوڕێ محەممەد سوڵتانی بزووتنەوەی کۆمۆنیستیی ئێران کادرێکی ڕەزمەندە و کرێکاران و زەحمەتکێشانی ئێران و جیهان یارێکی دڵسۆز و پەیگیری خۆیان لەدەستدا. بەم بۆنەوە، پرسە و سەرەخۆشیی قووڵی خۆمان ئاراستەی هاوسەری بەڕێزی سوسەن، منداڵە ئازیزەکانی تاماز و پویان، هاوڕێیانی هەستەی ئەقەلیەت و هەموو کەسوکار و هاوڕێیانی دەکەین.
یادی بەرز و بەڕێز بێت.
دەبیرخانەی کۆمیتەی ناوەندیی حیزبی کۆمۆنیستی ئێران
٢٩ی سەرماوەزی ١٤٠٢
٢٠ی دێسامبری ٢٠٢٣