Komala

لە ڕۆژەکانی دووشەممە، ٣٠ی خەزەڵوەر و ڕۆژی سێشەممە، ١ی سەرماوەز، ۶ هاووڵاتیی خەڵکی شاری تیکاب بە ناوەکانی ئومێد عەباسی، سیروان شیوەخی، تەمەن ٢٢ ساڵ، وەحید دەیهەم، تەمەن ٢۶ ساڵ، کامران قادری تەمەن ٢۵ ساڵ، بەهرام ئەکرەمی ٢۵ ساڵ و مەهدی مورادی، تەمەن ٢٣ ساڵ لەلایەن هێزە سەرکوتگەرەکانی کۆماری ئیسلامی لەو شارە ڕفێندراون.
هەروەها ڕۆژی پێنجشەممە، ٣ی سەرماوەز، هاووڵاتییەکی دیکەی خەڵکی شاری تیکاب بە ناوی سامان محەممەدی و کوڕی سابیر، لەلایەن ئەو هێزانەوە دەستبەسەر کراوە و تاکوو ئێستا چارەنووسی ناڕوونە.
هەموو ئەو هاووڵاتییانە پاش ئەوەی کە ڕفێندراون، لەلایەن هێزە ئەمنییەکانی ڕژیمەوە بۆ شوێنێکی نادیار گوازراونەتەوە و تا هەنووکەش هیچ زانیارییەک لەسەر بارودۆخ و چارەنووسیان لە بەردەستدا نییە.