ڕفاندنی هاووڵاتییەک لەلایەن هێزە سەرکوتگەرەکانی ڕژیم لە جوانڕۆ
یەکشەممە ۱۸-۱۰-۱۴۰۱ | 08-01-2023
بەپێی ڕاپۆرتەکان، لە درێژەی دەستبەسەر کردن و ڕفاندنی هاووڵاتییان لە شارەکانی ئێران، هێزەکانی ڕژیم لە شاری جوانڕۆ هاووڵاتییەکی ئەمشارەیان دەستبەسەر و ڕاپێچی شوێنێکی نادیار کردووە.
ڕۆژی یەکشەممە ١١ی بەفرانبار، هاووڵاتییەک بە ناوی”بارزان مەهدەوی”خەڵکی شاری جوانڕۆ، لە لایەن هێزە سەرکوتگەرەکانی ڕژیمەوە دەستبەسەر و بۆ شوێنێکی نادیار ڕاگوێزرا. تاکاتی بڵاو بوونەوەی ئەم هەواڵە،هیچ زانیاریەک لە سەر چارەنووسی ناوبراو لە بەردەستدا نییە.