ڕفاندنی ٥ هاووڵاتی لەلایەن هێزە سەرکوتگەرەکانی رژیمەوە
یەکشەممە ۲۹-۰۸-۱۴۰۱ | 20-11-2022
ئێوارەی ڕۆژی شەممە ٢٨ی خەزەڵوەر، چوار هاووڵاتی بەناوەکانی “سۆنیا شەریفی تەمەن ۱۷ ساڵ تەمەن، محەمەد قاسمی، ئەمیر حسێن مورادی، و یوسف مورادی” خەڵکی ئابدانان لەلایەن هێزە ئەمنییەکانەوە ڕفێندران و بردران بۆ شوێنێکی نادیار. هەروەها، ڕۆژی چوارشەممە ٢٥ی خەزەڵوەر، تازە لاوێکی تەمەن ١٧ ساڵ بە ناوی”ئەمیر حەمد غوڵامی” خەڵکی ئیلام لەلایەن هێزە سەرکوتگەرەکانی ڕژیمەوە ڕفێندرا و بۆ شوێنێکی نادیار گوازراوەتەوە.
تا بڵاوبوونەوەی ئەم هەواڵە هیچ زانیارییەک لەسەر چارەنووسی ئەم هاووڵاتیانە لە بەردەستدا نییە.