Komala

شەوی یەکشەممە، ٤ی بەفرانبار زارا نەبیزادە، هاووڵاتیی دووگیانی خەڵکی شاری مەهاباد لە گەڕەکی “بەری مەدرەسە” لەلایەن هێزەکانی ڕژیمەوە ڕفێندرا و بۆ شوێنێکی نادیار گواستراوەتەوە.
شایانی باسە کە شەوی یەکشەممە کۆمەڵێک لە ژنانی ئەو گەڕەکە بە دروشمی “ژن، ژیان، ئازادی” هاتنە سەر شەقام و ناڕەزایەتیی خۆیانیان دەربڕی.
باری تەندروستیی زارا نەبیزادە کە ژنێکی دووگیانە، لە گرتنگەی ناوەندەکانی ڕژیم لە مەترسیدایە.
سەرەڕای بەدواداچوونی بەردەوامی بنەماڵە و کەسوکاری ناوبراو، تا ئێستا هیچ زانیارییەک لەسەر چارەنووس و باری تەندروستیی زارا نەبیزادە لە بەردەستدا نییە.