Komala

بە گوێرەی ڕاپۆرتی سەرەتایی ناوەندی بوومەلەرزەزانیی کۆماری ئیسلامی، بوومەلەرزەیەکی بەهێر بە گوڕی 5.1 پلەی ڕێختەر، کاتژمێر پێنجی بەرە بەیانی ئەمڕۆ دووشەممە ٨ی ڕێبەندان، شارۆچکەی قەسری شیرینی لە پارێزگای کرماشان هەژاندووە.
بەپێی ئەم ڕاپۆرتە، چەقی بوومەلەرزەکە لە قوڵایی هەشت کیلۆمیتری ناخی زەویی و بە دووری ٢١ کیلۆمیتر لە قەسری شیرین، دووری ٢٢ کیلۆمیتر لە خانەقین و دووری ٣٩ کیلۆمیتر لە سەرپێلی زەهاو تۆمار کراوە، بەڵام تاوەکوو ئێستا هیچ زانیارییەک لە بارەی   زیانی گیانی و مادیی بوومەلەرزەکە بڵاو نەکراوەتەوە.