Komala

بەڕێوەبەری بەشی دەرمان لە زانکۆی زانستە پزیشکییەکانی مازەندەران ڕایگەیاندووە، ژمارەی ئەو کەسانەی کە لەم پارێزگایە مەشڕوبی ساختەیان بەکارهێناوە و مەسمووم بوون، گەیشتووەتە ١٦٠ کەس و پێنج کەسیش گیانیان لەدەست داوە.
ناوبراو هەروەها ڕایگەیاندووە کە ژمارەی ژەهراوی بووان لە چالووس ٩١ کەس لەوانە ١٩ ژن و ٧٢ پیاو بووە و ٤٧ کەسیش لەوانە سێ ژن و ٤٤ پیاو، هەر بەم هۆکارە سەردانی ناوەندە دەرمانییەکانی شارستانی “ئامۆل”یان کردووە. هەروەها ئاماژەی بەوەش کردووە کە ٤ کەس لە ئامۆل گیانیان لەدەست داوە و ٢٤ کەسیش بەتەواوی دەرمان کراون و گەڕاونەتەوە ماڵەکانیان، بەڵام هێشتا ١٩ کەس لە ناوەندە دەرمانییەکان خەوێندراون و چارەسەری پزیشیکیان بۆ دەکرێ.