بەپێی ڕاپۆرتەکان، ڕۆژی دووشەممە ٦ی ڕەشەممە، “یووسف شەهلی بۆر”، منداڵی تەمەن ٥ ساڵی خەڵکی ئێرانشار بە تەقەی ڕاستەوخۆی هێزە سەربازییەکانی یەکەی تایبەتی کۆماری ئیسلامی کوژراوە.
هەواڵدێری حاڵ وەش لەو بارەیەوە نووسیویەتی: یووسف شەهلی بۆر لە ئەنجامی پێکرانی بە پێنج گوللە، بەهۆی نەبوونی پزیشکی برینگەر چەند کاتژمێر لە نەخۆشخانە بە چاوەڕوانی ماوەتەوە و لەئاکامدا دوای نەشتەرگەری گیانی لەدەست داوە. هەروەها ڕۆژی سێشەممە ٧ی ڕەشەممە، مریەم شەهلی بۆر، دایکی تەمەن ٣٢ ساڵی یووسف، بەهۆی پێکرانی بە گوللەی جەنگیی هێزەکانی ڕژیم، دوای یەک ڕۆژ کۆرپەکەی لەدەست داوە. شایانی باسە، ناوبراو بەهۆی قووڵیی برینەکانی و بارودۆخی تەندروستیی لە بەشی چاودێریی تایبەتیی نەخۆشخانەی ئێرانشار خەوێندراوە. لە لایەکی دیکەوە، ڕامین شەهلی بۆر تەمەن ٢٢ ساڵ و شۆفێری ئەو بنەماڵەیە، بە بەکارهێنانی توندوتیژیی دەستبەسەر کراوە. هەتا کاتی داڕشتنی ئەم هەواڵە، ناوەندە فەرمییەکانی کۆماری ئیسلامیی ئێران لە هەر چەشنە ڕادەربڕین و لەئەستۆگرتنی بەرپرسیارێتییەک لەسەر ئەو ڕووداوە خۆیان پاراستوە.