Komala

سەرچاوەیەکی تەندروستیی غەززە ڕاگەیاندووە، لە ئەنجامی هێرشەکانی ئیسرائیل ٣٣٠ کەس کوژراون.
بەگوێرەی هەواڵەکان بەرەبەیانی ئەمڕۆ سێشەممە ٢٨ی ڕەشەممە، ئیسرائیل هێرشێکی بەرفراوانی کردووەتە سەر باکووری کەرتی غەززە، دێر بلح، خان یونس و باشووری ڕەفەح.
بەوتەی بەرپرسانی وەزارەتی تەندروستیی فەڵەستین لە غەززە، بەهۆی ئەم هێرشانەوە، لانی کەم ٣٣٠ کەس کوژراون و دەیانی دیکەش بریندار بوون. لە لایەکی دیکەوە مانگی سووری فەلەستین ڕایگەیاندووە، ٨٦ کوژراو و ١٣٤ بریندار لەلایەن تیمەکانیانەوە گوازراونەتەوە بۆ نەخۆشخانەکان.