Komala

بە پێی ڕاپۆرتەکان، ئێوارەی پێنجشەممە ١٤ی خاکەلێوەی ١٤٠٤، ژنێکی گەنجی خەڵکی قوڕوە بە ناوی “ئازیتا فەلاحی” تەمەن ٣٦ساڵ و دایکی دوو مناڵی ١١و ١٦ساڵ تەمەن، لە لایەن هاوژینەکەی و خەزوورییەوە، لە ماڵی بنەماییان بە شێوەیەکی دڕندانە لێیدراوە و لە ئەنجامی لێدان و کوتان، گیانی لە دەستداوە.
بە وتەی سەرچاوەیەکی ئاگاداری نزیک لە بنەماڵەی فەلاحی، بنەماڵەی هاوژینەکەی سەرەتا ڕایانگەیاندووە کە ئازیتا خۆی کوشتووە و دوای گواستنەوەی بۆ پزیشکی دادوەری دەرکەوتووە کە کوژراوە و هاوژینەکەشی دەستبەسەر کراوە. تا کاتی داڕشتنی ئەم هەواڵە، لە هۆکاری کوژرانی ئەم ژنە گەنجە زانیاریەک لەبەر دەستدا نییه. بە پشت بەستن بە ئامارە تۆمار کراوەکان، لە مانگی  مارسی ٢٠٢٥، لانیکەم ٨ حاڵەتی کوژرانی ژنان لە شارەکانی ئێران تۆمار کراوە.