Komala

بە پێی زانیارییەکان، ڕۆژی شەممە ٦ی ڕێبەندان، ژنێک بە ناوی “سیما مۆرادی” تەمەن ٣٥ ساڵ و خەڵکی ئاوایی “چەغاکەبود”ی ئیسلام ئاوای غەرب و دانیشتووی شارۆچکەی “دانش”ی کرماشان لەگەڵ دوو منداڵەکەی بە ناوەکانی “ماهور غولامی” تەمەن ٩ ساڵ و “زەینەب غولامی” تەمەن ١٦ ساڵ، بە دەستی باوکی بنەماڵەکەیان بە ناوی “محەممەد غولامی” بە چەک کوژراون.
بە گوێرەی ڕاپۆرتەکان، محەممەد غولامی هاوسەر و دوو منداڵەکەی لە ماڵی خۆیی لە شارۆچکەی دانشی کرماشان بە چەک کوشتووە و هەڵاتووە. تا کاتی بڵاو بوونەوەی ئەم هەواڵە لە سەر هۆکارە پاڵنەرەکانی کوشتن و دۆخی دەستبەسەر کرانی تاوانبار زانیارییەک لەبەر دەستدا نییە.