Komala

بەپێی ڕاپۆرتەکان، ڕۆژی یەکشەممە ٨ی ڕەزبەر، فەرامەرز شەهنەوازی تەمەن ٢٣ ساڵ و خەڵکی گوندی ئازادئاوای سەر بە شاری خاش، بە تەقەی هێزە نیزامییەکانی ڕژیم گیانی لەدەست دا.
هاوکات “محەممەد ساسوولی”، مێرمنداڵی تەمەن ١٦ ساڵی دانیشتووی گوندی سنووریی ساسوولی سەر بە شاری هیرمەند، دوای ٩ ڕۆژ بەهۆی سەختی برینەکانییەوە لە ئەنجامی پێکرانی بە گوللەی هێزە چەکدارەکان، لە نەخۆشخانە گیانی لەدەست دا. بەپێی ڕاپۆرتێکی ماڵپەڕی حال وەش، هێزە ئینتزامییەکانی بنکەی ١١٩ی ناوچەی ڕوتەک سەر بە شاری خاش، تەقەیان لە ئۆتۆمبێلی فەرامەرز شەهنەوازی کردووە و ناوبراویان کوشتووە. شایانی باسە، ئەو هێزانە شوێنەکەیان جێ هێشتووە و دوای چەند کاتژمێر گەڕاونەتەوە سەر شوێنی ڕووداوەکە و پووکەی گوللەکانیان کۆ کردووەتەوە و لەگەڵ خۆیان بردوویانە.