کوژرانی کۆلبەرێکی خەلکی سەقز لە سنووری بانە
دوشەممە ۲۱-۰۶-۱۴۰۱ | 12-09-2022
لاوێکی کۆڵبەری خەڵکی شاری سەقز بە ناوی ڕزگار محەممەدزادە ٤٠ ساڵ تەمەن و باوکی ٢منداڵ، شەوی یەکشەممە ٢٠ی خەرمانان، لە کاتی کۆڵبەری لە سنووری هەنگەژاڵی بانە بە تەقەی ڕاستەوخۆی هێزە چەکدارەکانی ڕژیم کوژرا.
شایانی باسە کە هێزە چەکدارەکانی ڕژیم لە مەودای نزیکەوە تەقەیان لە ڕزگار کردووە و کوشتوویانە. هەروەها کۆڵبەرێکی دیکەی خەڵکی سەقز بە ناوی سەعید کەریمی کە ئەویش خێزاندار و باوکی منداڵێکە، بریندار بووە.
تەرمی ئەم کۆڵبەرە لەلایەن خەڵکی ناوچەکەوە بۆ نەخۆشخانەی سەلاحەدین ئەیووبی شاری بانە گوازرایەوە و تا ئێستا ڕادەستی بنەماڵەکەی نەکراوە.