ڕۆژی شەممە ١٥ی بەفرانبار، لە ئەنجامی هێرشێکی خۆکوژی لە شاری “تۆربەت” سر بە پارێزگای بەلوچستانی پاکستان، لانیکەم ٦١ کەس کوژران و برینداربوون.
هاوکات ئاژانسی هەواڵی “مێهر”ی سەر بە ڕژیم بڵاوی کردووەتەوە، لە شاری توربەت، سپای “تەحریری بەلوجستان” هێرشێکی خۆکوژی کردووەتە سەر کاروانێکی سپای پاکستان و لە ئەنجامیدا، پێنج کەس کوژران و ٥٦ کەسی دیکەش بریندار بوون. شایانی باسە، پێنج کەس لەوانە برینەکانیان سەختە، ٣١ برینداری دیکەش دۆخیان جێگیرە و 20 لەو بریندارانەش دوای وەرگرتنی چارەسەری پزیشکیی نەخۆشخانەیان جێهێشتووە. جێگای ئاماژەیە، بەم دواییانە هێرشە چەکدارییەکان لە پاکستان زیادیان کردووە. بەگوێرەی سەنتەری توێژینەوەی ئەمنیی پاکستان، زۆر ترین هێرشە چەکدارییەکان لە بەلوجستان بووە و هێرشی “خەیبەر بەختونخوا”، گەورەترین هێڕش بوو لە ساڵی ڕابردوودا و تێیدا ٧٨٢ کەس کوژرا بوون.