کچێکی تازە لاو لە تاران لەلایەن هێزە سەرکوتگەرەکانی ڕژیمەوە ڕفێندرا
چوارشەممە ۱۱-۰۸-۱۴۰۱ | 02-11-2022
هێلیا بەرخی تەمەن ١٨ ساڵ و خەڵکی شاری شائاباد و دانیشتووی پاکدەشتی شاری تاران، لەلایەن هێزەکانی ڕژیمەوە ڕفێندرا.
لە سەرەتاکانی مانگی ڕەزبەری ئەمساڵ هێزە حکومەتییەکان بە بەکارهێنانی توندوتیژی و لێدان هێلیا بەرخی یان لە یەکێک لە شەقامەکانی پاکدەشت ڕفاندووە. سەرەڕای تێپەڕبوونی مانگێک بەسەر دەستبەسەرکرانی ئەم کچە تازەلاوە، هەتا ئێستا شوێنی دەستبەسەرکران و چارەنووسی نادیارە.
بەوتەی سەرچاوەیەکی نزیک لە بنەماڵەی بەرخی، ئەو بنەماڵە چەندین جار سەردانی ناوەندە ئەمنییەکانیان کردووە، بەڵام هیچ وەڵامێکیان دەستنەکەوتووە و ئەمەش بووەتە هۆی نیگەرانی ئەو بنەماڵەیە.