Komala

بنەماڵەی بەندکراوانی سیاسی بۆ چەندەمین جار لە ئێعتڕاز بە حوکمی نادادپەروەرانەی ئێعدام لەدژی ڕۆڵەکانیان،لە بەرامبەر زیندانی ئێڤین دەستیاندایە کۆبوونەوە.
ئەمڕۆ سێشەممە ١٤ی ڕەشەممە هاوکات لەگەڵ ٥٨مین حەفتەی کارزاری “سێشەممەکانی نا بە ئێعدام” لە زیندانەکانی ڕژیم، کۆمەڵێک لە ئەندامانی بنەماڵەی بەندکراوانی سیاسی، لەڕێگەی بەدەستەوەگرتنی وێنەی منداڵەکانیان و هەروەها چەندین دەست نووسراوە بە ناوەڕۆکی “نا بۆ ئێعدام” و “حوکمی ئێعدام دەبێ هەڵوەشێتەوە”، خوازیاری هەڵوەشانەوەی حوکمی ئێعدامی ئازیزانیان و بە گشتی حوکمی ئێعدام بوون.