Komala

شەوی چوارشەممە لەسەر پێنجشەممە ١٦ی ڕەزبەری ١٤٠٤، کرێکارانی خزمەتگوزاری شاریی شارەداریی ئیلام، لە ناڕەزایەتیی بە پەرداخ نەکرانی سێ مانگ حەقدەست و مەزایایان، دەستیاندایە کۆبوونەوە.
بەپێی ڕاپۆرتەکان، لە ئەنجامی ئەم ناڕەزایەتییە، تێکهەڵچوون لە نێوان ژمارەیەک لە کرێکاران لەگەڵ جێگری شارەداریی و سەرۆکی بەشی گواستنەوە هاتووەتە ئاراوە. کرێکاران دەڵێن: سێ مانگ کارمان کردووە، نە حەقدەستێکمان پێدراوە، نە کەسێک وەڵامدەرەوەیە. بە زگی برسی چۆن دەبێ بژین.