ڕۆژی یەکشەممە ٢٤ی مانگی ڕێبەندان، کۆمەڵێک لە ئەندامانی هەیئەتی زانستی هێندێک لە زانکۆکانی ئێران، لە ناڕەزایەتی بە کەمکردنەوەی ٣٠ لەسەدیی مووچە، لە زانکۆکانی خۆیان کۆبوونەوەیان بەڕێوەبرد.
ئەم کۆبوونەوانە لە زانکۆکانی خەلیجی فارسی بووشێهر، کوردستان، ئەراک، بوعەلی سینای هەمەدان، کاشان، گیلان، علوومی پزیشکیی یاسووج و شیراز بەڕێوەچوون.
لەم دوایانەدا کۆمیسیۆنی تەلفیقی بوودجەی مەجلیس، پەسندکراوێکی داوەتە دەرێ کە بەپێی ئەو پەسندکراوە لە ساڵی ١٤٠٤دا مووچەی ئەندامانی هەیئەتی زانستیی زانکۆکان ٣٠ لەسەد کەم دەکرێتەوە. ئەندامانی هەیئەتی زانستیی لە کۆتایی کۆبوونەوەکەی خۆیاندا بەیاننامەیەکدا ڕایانگەیاند کە بە نیشانەی ناڕەزایەتی بەم پەسندکراوە تا ئاگاداریی دواتر گشت چالاکیی پەروەردە و لێکۆڵینەوەی ئەندامانی هەیئەتی زانستیی زانکۆ لە ڕێکەوتی ٢٣ی مانگی ڕێبەندانی ١٤٠٠ەوە بێجگەلە چالاکیی پێوەندیدار بە دەرمان و سڵامەتی کۆمەڵگە ڕادەگرن و تا وەدی هاتنی خواستەکانیان درێژە بە ناڕەزایەتی دەدەن.