Komala

سەر لە بەیانی ڕۆژی یەکشەممە ٣٠ی ڕەزبەر، بۆ جاری دووەم جووتیارانی مەخموور بەهۆی رێگری لە هاوردەکردنی  بنەتۆ و پەینی کیمیایی دەستیاندایە کۆبوونەوە و رێگەی “هەولێر –مەخموور”یان داخست.
نوێنەری جووتیارانی ناڕازی لەمبارەوە ڕایگەیاندووە، دوای ئەوەی لە هەفتەی رابردوودا رێگەی هەولێر -مەخموورمان داخست دواتر بەڵێنی چارەسەرکردنی کێشەکەیان پێدان، بەڵام بەڵێنەکەیان جێبەجێ نەکرد، بۆیە جارێکی دیکە هاتینەوە سەر شەقام و رێگاکەمان داخستووە و چادر هەڵدەدەین تا کێشەکەمان چارەسەر دەکەن. روونیشی کردەوە، ئێستا وەرزی چاندنی گەنم و جۆیە، هەر چەندە نووسرای فەرمیشمان هەیە کە بنەتۆ پەینی کیمیای ببەینە مەخموور، بەڵام سپای عێراق رێگە نادات بنەتۆ پەین ببەینەوە مەخموور، دەبێ لە بازگەکە پارە بدەیت و لە راستیدا ئەوە سەرانەیە.