Komala

ئەمڕۆ یەکشەممە ١٢ی ڕەشەممە،  خانەنشین کراوانی تەئمینی ئیجتماعی تاران، ئەهواز، کرماشان، شووش، کەرخە و حەوت تەپە، بۆ جارێکی دیکە هاتنە سەر شەقامەکان و ناڕەزایەتییان دربڕی.
بەپێی ئەم ڕاپۆرتە، خانەنشین کراوانی تەئمینی ئیجتماعی ئەمشارانە بە کۆبوونەوە لە بەرامبەر سازمانی تەئمینی ئیجتماعی و وتنەوەی درووشمی “زوڵم و ستەم ئیتر بەسە، خوانی ئێمە خاڵییە”، “هاوار هاوار لەم هەموو نادادپەروەرییە”، “کرێکار، موعەلیم، پەرەستار یەکبگرن یەک بگرن”، “کرێکاری بەندکراو، موعەلیمی بەندکراو دەبێ ئازاد بکرێ”، “لە خوزستان تا گیلان، شەرم بۆ مۆدیران”، “ژیان و گوزەران، مافی هەر تاکێکی ئێرانییە” و “کشوەری لەشکەری، فەرهەنگی یەک بگرن یەک بگرن”، خوازیاری وەڵامدانەوەی بەرپرسان بە خواستەکانیان و پێڕاگەیشتن بە بارودۆخی نالەباری ژیانیان بوون.