Komala

ئەمڕۆ یەکشەممە ٧ی گوڵانی ١٤٠٤، خانەنشین کراوانی تەئمین ئیجتماعی شووش، کەرخە، حەوت تەپە، ئەهواز و کرماشان، بە ڕێپێوان لە ئاستی شەقامەکانی ئەمشارانە و وتنەوەی درووشمی “هەتا کاتێک کە مافەکانمان وەدی نەیێت، درێژە دەدەین بە کۆبوونەوەکانمان”، خوازیاری جێبەجێ کرانی خواستەکانیان بوون.
خانەنشین کراوانی ناڕازی هەروەها لە ئاست چوونەسەرەوەی گرانی، ئاوسان، هەژاری و نەبوونی و لانیکەمی حەقدەستەکانیان، دزی ئیداری، نایەکسانی، نەبوونی ئیمکاناتی پزیشکی و دەرمانی گونجاو و نەبوونی نەخۆشخانەی تایبەت بە خانەنشین کراوان، ناڕەزایەتییان دەربڕی.