کۆبوونەوەی ناڕەزایەتیی خانەنشین کراوانی تەئمین ئیجتماعی لە شارە جۆراوجۆرەکانی ئێران
یەکشەممە ۰۴-۰۴-۱۴۰۲ | 25-06-2023
ڕۆژی یەکشەممە ٤ی پووشپەڕ، خانەنشین کراوانی تەئمین ئیجتماعی هەروەک حەفتەکانی ڕابردوو، دەستیاندایە کۆبوونەوە و خوازیاری جێبەجێ کرانی خواستەکانیان بوون.
بەپێی ئەم ڕاپۆرتە، خانەنشین کراوانی ناڕازی لە شارەکانی، کرماشان، شووش، ئەهواز و شووشتەر، بە کۆبوونەوە لە بەرامبەر بینای تەئمین ئیجتماعی ئەمشارانە و بە دەستەوە گرتنی چەندین پلاکاردی ئێعتڕازی و وتنەوەی درووشم، خوازیاری پێڕاگەیشتنی بەرپرسان بە کێشە و گرفتەکانیان بوون.