Komala

کۆمەڵێک لە خانەنشین کراوانی تەئمین ئیجتماعی لە شارەکانی شووش،کەرخە، حەوت تەپە و کرماشان، ڕۆژی یەکشەممە ١٨ی پووشپەڕ، لە ناڕەزایەتیی بە جێبەجێ نەکرانی خواستەکانیان، دەستیاندایە کۆبوونەوە.
بەپێی ڕاپۆرتەکان، خانەنشین کراوانی ناڕازی شووش، کەرخە و حەوت تەپە، بە ڕێپیوان لە ئاستی شەقامەکانی شاری شووش و وتنەوەی چەندین درووشمی وەک “ڕەزمەندەگانی دوێنی، ستەم لێکراوانی ئەمڕۆ” و “نە مەجلیس نە دەوڵەت، نین لە فکری میللەت” لەئاست جێبەجێ نەکرانی خواستەکانیان ناڕەزایەتییان دەربڕی. هەروەها خانەنشین کراوانی ناڕازی لە کرماشان بە کۆبوونەوە لە بەرامبەر بینای ڕێکخراوی تەئمین ئیجتماعی ئەمشارە، خوازیاری وەڵامدانەوەی بەرپرسان بە کێشە و گرفتەکانیان بوون.