Komala

بەپێی زانیارییەکان لە ویلایەتی بەدەخشان لە باکووری ڕۆژهەڵاتی ئەفغانستان،  ئەمڕۆ شەممە ١٥ی گوڵان، ناڕەزایەتییەکان دژبە تاڵبان لە ووێلسوالی درایم بەردەوام بوو و خەڵکی وێلسوالی “ئەرگۆ”ش بەم ناڕەزایەتییانەوە پەیوەست بوون.
بەوتەی سەرچاوەکانی خۆجێی لە ئەفغانستان، هەتا ئێستا دوو کەس بەهۆی تەقەکردنی هێزەکانی تاڵبان لەم دوو وێلسوالییە کوژراون و کەسێکی دیکەش برینداربووە. جێگای ئاماژەیە،  ئەم ناڕەزایەتییانە لەحاڵێکدا هاتووەتە ئاراوە کە تاڵبان مەزرای بەرهەمهێنانی خەشخاشی لەم ویلایەتانە لەناو بردووە و لەگەڵ جووتیارانی ناوچەکە، توندئاژۆیی کردووە.