Komala

ژمارەیەک لە کەسانی خاوەن پێداویستی تایبەت لە هەندێ لە شارەکانی ئێران، لە ناڕەزایەتیی بە جێبەجێ نەکرانی خواستەکانیان، بۆ جارێکی دیکە دەستیاندایە کۆبوونەوە.
ڕۆژی یەکشەممە ١٦ی ڕەزبەر، لەدرێژەی کۆبوونەوەی کەسانی خاوەن پێداویستی تایبەت لە شارەکانی ئێران، ژمارەیەک لە خاوەن پێداویستییەکانی تایبەت لە شارەکانی ئیسفەهان، خوزستان، ئەردەبیل، سنە، کرماشان و ساری، لە ناڕەزایەتیی بە جێبەجێ نەکرانی مادەی ٢٧ی یاسای کەم ئەندامان و بارودۆخی نالەباری ژیانیان، لە بەرامبەر ئیدارەی گشتی بێهزیستی ئەمشارانە، دەستیاندایە کۆبوونەوە و خوازیاری پێڕاگەیشتن بە کێشەکانیان بوون.