Komala

ئەمڕۆ دووشەممە ١٣ی ڕەشەممە، خانەنشین کراوانی شیرکەتی مۆخابەرات لە زۆربەی شارەکانی ئێران، لەئاست وەدینەهاتنی خواستەکانیان هاتنە سەر شەقامەکان و ڕێپێوانی ئێعتڕازیان بەڕێوەبرد.
بەپێی ئەم ڕاپۆرتە، خانەنشین کراوانی ناڕازی بە ڕێپێوان لە شەقامی شارەکانی تاران، تەورێز، گیلان، شیراز، ئیلام، زەنجان، ئەهواز، ئیسفەهان، خوزستان و بیجاڕ و کۆبوونەوە لە بەرامبەر بینای شیرکەتی مۆخابەراتی ئەمشارانە، لە ڕێگەی بەدەستەوە گرتنی چەندین پلاکارد و وتنەوەی درووشمی “سەهامداری زاڵم مافی ئێمەی خواردووە”، “ستادی ئیجرایی مافی ئێمەی خواردووە” و “بۆنیادی تەعاون مافی ئێمەی خواردووە”، خوازیاری جێبەجێ کرانی خواستەکانیان و پێڕاگەیشتن بە کێشە و گرفتەکانیان بوون.