کۆتایی کاتیی مانگرتن لەخواردنی بەندکراونی مەحکووم بە ئێعدام لە زیندانی قزڵحەسار
دوشەممە ۲۸-۰۷-۱۴۰۴ | 20-10-2025
بەپێی ڕاپۆرتەکان، مانگرتن لەخواردنی بوێرانەی بەندکراوانی بەندی ٢ی زیندانی قزڵحەسار کە لە ناڕەزایەتیی بە شەپۆلی نوێی ئێعدامەکان دەستی پێ کردبوو، ڕۆژی یەکشەممە ٢٧ی ڕەزبەر بە دوای بەڵێنی بەرپرسان سەبارەت بە ڕاگیرانی شەش مانگەی حوکمی ئێعدامەکان، کۆتایی پێ هات.
جێگای ئاماژەیە، زیاتر لە ١٥٠٠ بەندکراو لە بەندی ٢ی زیندانی قزڵحەسار کە لە ڕۆژی دووشەممە ٢١ی ڕەزبەرەوە، لە ناڕەزایەتیی بە ئێعدامی هاوبەندییەکانیان مانیان لەخواردن گرتووە، لە ڕێگەی پەیامێکەوە داوایان لە خەڵکی ئێران کردبوو کە پشت و پەنایان بن و بەهێزی خۆیان حوکمی ئێعدام هەڵبوەشێننەوە.