Komala

بەپێی ڕاپۆرتەکان، لەم دواییانەدا حوکمی “ئازاد عەباسی”، چالاکی مەدەنی و بەرپرسی دەستەی بەڕێوەبەرایەتیی ڕێکخراوی نۆژین لە دادگای پێداچوونەوەدا لە سێ ساڵەوە بۆ یەک ساڵ بەندکران کەم کراوەتەوە.
ئەو هاووڵاتییە پێشتر لەلایەن لقی ١٠٢ی دادگای تاوانەکانی دووی دێهگۆلان بە تۆمەتی “سووکایەتیکردن بە خامنەیی” بە دوو ساڵ زیندان و بە تۆمەتی “پڕوپاگەندەی دژ بە حکومەت” بە یەک ساڵ زیندان مەحکووم کرابوو. جێگای وەبیرهێنانەوەیە، ئازاد عەباسی ڕۆژی پێنجشەممە ١٠ی خەزەڵوەری ئەمساڵ، دوای بانگکران و ڕۆیشتن بۆ بەشی جێبەجێکرانی سزاکانی شاری قوروە، بەمەبەستی جێبەجێکردنی حوکمی دوو ساڵ بەندکرانەکەی دەستبەسەر و بۆ زیندانی ناوەندیی ئەو شارە گواسترایەوە.