گردبوونەوەی ناڕەزایەتیی کرێکارانی لوولەسازیی خووزستان
هەینی ۲۲-۱۱-۱۴۰۰ | 11-02-2022
ڕۆژی پێنجشەممە ٢١ی مانگی ڕێبەندان، کۆمەڵێک لە کرێکارانی لوولەسازیی خووزستان بەهۆی بێکارییەوە بۆ چەندومین جار لە بەرامبەر ئۆستانداریی دەستیان دایە کۆبوونەوە.
شیرکەتی لوولە سازیی خووزستان لە ماوەی دوو ساڵی ڕابردوودا دوای سپێردرانی بە کەرتی تایبەت بەهۆی لەسەرێ بوونی قەرزەکانی، لەلایەن بەڕێوەبەرەکەیەوە داخرا. ئەم شیرکەتە بە بیانووی ڕاوەستانی بەرهەمهێنان، لە دانی حەقدەست و مافی کرێکارانی بێکارکراو خۆی دەبوێرێت. شایانی باسە هەتا ئێستا هیچ بەرپرسێکی پێوەندیدار وڵامدەرەوەی داخوازییەکانی کرێکاران نەبووە و ئەم کرێکارانە لەگەڵ کێشەی جیددی بەرەوڕوو بوونەتەوە.