گواستنەوەی زیندانیەکی سیاسی مەحکوم بە ئیعدام بۆ شوێنێکی نادیار
چوارشەممە ۰۴-۰۳-۱۴۰۱ | 25-05-2022
ڕۆژی دووشەممە ٢ی جۆزەردان،مەحیەدین ئیبراهیمی ٤٣ سال تەمەن،خەلکی ئاوایی ئاڵکاوێ سەر بە ناوچەی شنۆ و زیندانی سیاسی مەحکوم بە ئیعدام، لە زیندانی ناوەندیی ورمێەوە گواستراوەتەوە بۆ شوێنێکی نادیار و دیسان شەوی ڕابردوو گواستویانەتەوە بۆ زیندان.
ناوبراو بە تۆمەتی هەڵسووران دژی ئەمنییەتی نەتەوەیی لە لایەن دادگای ئینقلابی رژیم لە ورمێ سزای لەسێدارەدانی بەسەردا سەپاوە و ئەم سزایە لە دیوانی باڵاوە تەئید کراوەو گەیشتوەتە پڕۆسەی بەکردەوە دەرهاتن. گیانی ئەم زیندانیە سیاسیە لە مەترسی لەسێدارەدان دایە.