گیان بەختکردنی بریندارێکی دیکەی خۆپیشاندانەکانی
چوارشەممە ۳۰-۰۶-۱۴۰۱ | 21-09-2022
فواد قەدیمی هاووڵاتیی خەڵکی دیواندەرە کە لە ناڕەزایەتییەکانی ڕۆژانی ڕابردووی ئەو شارە بە تەقەی ڕاستەوخۆی هێزە چەکدارەکانی ڕژیم بە سەختی بریندار کرابوو، دوای سی ڕۆژ مانەوە لە نەخۆشخانە، بەرەبەیانی ڕۆژی چوارشەممە ٣٠ی خەرمانان،لە نەخۆشخانەی کەوسەری شاری سنە گیانی لە دەستدا.
فواد قەدیمی کە لە بەشی سکەوە پێکرابوو لە ماوەی سێ ڕۆژی ڕابردوودا لە نەخۆشخانەی کەوسەر لەکۆمادا بووە.
جێگای ئاماژەیە کە فواد قەدیمی ڕۆژی دووشەممە ٢٨ی خەرمانان لە کاتی ناڕەزایەتیی خەڵکی دیواندەرە بە کوژرانی ژینا ئەمینی لەلایەن هێزە ئەمنییەکانەوە بریندار کرابوو. هەر ئەو ڕۆژە هاووڵاتییەکی دیکەی خەڵکی دیواندەرە بەناوی موحسین محەممەدی بە تەقەی ڕاستەوخۆی هێزە چەکدارەکانی ڕژیم گیانی لەدەستدا.