Komala

بەپێی ڕاپۆرتەکان، “ئەبولفەزل ئەمیرعەتایی” تەمەن ١٦ ساڵ و خەڵکی شاری تاران کە نزیکەی هەشت مانگ لەمەوبەر، لە مەودای نزیکەوە گوللەی گازی فرمێسکڕێژی وێکەوتبوو، بەهۆی سەختی برینەکەیەوە گیانی لەدەستدا.
بەپێی ئەم ڕاپۆرتە، “ئەبولفەزل ئەمیرعەتایی” هەشت مانگ لەمەوبەر لە ئەنجامی ناڕەزایەتیی سەرتاسەری خەڵکی شاری ڕەی لە تاران، لە لای سەریەوە بەهۆی وێکەوتنی گوللەی گازی فرمێسکڕێژ بە سەختی بریندار ببوو و و لە ئەنجامی ئەم ڕووداوە، بە شێوەی تەواو توانایی جوڵانەوە و قسەکردنی لەدەست دابوو و لەم ماوەیەدا لە نەخۆشخانە لەژێر چاودێری پزیشکی دا بووە. ئەمە لەحاڵێکدایە کە هەتا کاتی داڕشتنی ئەم هەواڵە، ڕاگەیەنەرەکانی سەر بە ڕژیم و کاربەدەستانی حکوومەتی، لەم پێوەندەدا هیچ کاردانەوەیەکیان نیشان نەداوە.