ڕۆژی سێشەممە ٧ی ڕەشەممە، بەرپرسانی تەندرووستی کۆماری کۆنگۆی دێمۆکڕاتیک ڕایانگەیاند، بەهۆی نەخۆشییەکی نەناسراو لە شاری باسانکوسۆ، زیاتر لە ٩٤٠ کەس بەم نەخۆشییە تووشبوون کە لەم ژمارەیە ٥٢ کەس گیانیان لەدەستداوە.
سەرچاوە فەرمییەکانی کۆماری کۆنگۆی دێمۆکراتیک دەڵێن: “لە سەرەتای مانگی فێوریوارییەوە زیاتر لە ٩٤٣ کەس تووشی ئەو نەخۆشییە نەناسراوە بوون، هەروەها ٥٢ کەسی تووشبووی ئەو نەخۆشییە، لە شاری باسانکوسۆ مردوون. ئاماژەی بەوەش کردووە “حاڵەتەکان لە پێنج گوند تۆمار کراون. جەختیان لەوەش کردەوە کە تاوەکوو ئێستا زۆرترین توشبوو لە ناوچەی ئیکۆتۆی تۆمار کراوە. بەرپرسان دەشڵێن: نەخۆشییەکە تووشی هەموو تەمەنێک دەبێت، بەڵام زۆربەی حاڵەتەکان لە تەمەنی 5 ساڵی تا 45 ساڵی دەگرێتەوە، هەروەها نیشانەکانی نەخۆشیەکە بریتین لە “تا، سەرئێشە، ئازاری ماسولکەکان و ئازاری جومگەکان.”