Komala

فەرماندەی پۆلیسی هاتوچۆی کۆماری ئیسلامیی، لە کۆنفرانسێکی ڕۆژنامەوانیدا ئاشکرای کرد، لەماوەی پشووەکانی نەورۆزی ئەمساڵدا ٨٨٠ هاووڵاتی بەهۆی ڕووداوەکانی هاتوچۆ گیانیان لەدەست داوە و ٢٠ هەزار و ١٠٩ کەسیش بریندار بوونە.
سەردار حسێنی، زۆربوونی ژمارەی مردووان و برینداربوونی ڕووداوەکانی هاتوچۆی بۆ سەرپێچیی شۆفێران و گوێنەدانیان بە ڕێنماییەکانی هاتوچۆ، گەڕاندەوە. ئەمە لە حاڵێکدایە کە چاودێران، زۆریی قوربانیانی هاتوچۆ لە ئێران، بۆ خراپیی ڕێگەوبانەکان و جۆری ئۆتۆمبیلەکان دەگەڕێننەوە، بە تایبەت زۆرینەی ئۆتۆمبیلەکان لە ناوخۆی ئێران دروست دەکرێن و لە ڕووی کواڵیتی و لایەنی تەکنیکییەوە لە ئاستی ستانداردە جیهانییەکاندا نین.