Komala

ڕۆژی سێشەممە ٧ی ڕەشەممە، محەممەد ئەیسرائیل سیار، سەرۆکی بەشی بەڕێوەبردنی قەیرانەکانی ناوخۆیی لە ئەفغانستان، لە ڕاگەیەندراوێکدا ڕایگەیاند: بەهۆی بارانی بەخوڕ لە ویلایەتی فەراە لە ڕۆژئاوای ئەفغانستان، ٢١ کەس گیانیان لەدەست داوە.
هەروەها ئاماژەی وەوەش کردووە کە لە ویلایەتی قەندەهاریش بەهۆی باران و لافاوەوە هەشت کەس گیانیان لەدەستداوە. جێگای ئاماژەیە، ئەفغانستان یەکێکە لە وڵاتانەی کە زۆرترین کاریگەرییەکانی گۆڕانی کەشوهەوای لەسەرە و تەنیا لە ماوەی چەند ڕۆژێکدا لە مانگی گوڵانی ساڵی ٢٠٢٤، بەهۆی لافاوێکی چاوەڕوان نەکراو، لانیکەم ٣٠٠ کەس لەم وڵاتە گیانیان لەدەستدا و بەدەیان کەسی دیکەش بێسەروشوێن بوون.