Komala

بەپێی ڕاپۆرتەکان، ڕۆژی دووشەممە ١١ی خاکەلێوەی ١٤٠٤، ئۆتۆمبێلێکی هەڵگری کۆڵبەران لە ڕێگای پاوە-جوانڕۆ ، توشی ڕووداوی هاتووچۆ بووە و لەم ڕووداوە کۆڵبەرێک بە ناوی “شەهاب کەریمی” تەمەن ٣١ ساڵ و خەڵکی سەلاس باوەجانی، بە هۆی سەختی برینەکانییەوە لە نەخۆشخانەیەکی شاری جوانڕۆ گیانی لە دەستداوە.
هەروەها لەم ڕووداوەدا لانیکەم پێنج کۆڵبەری دیکە بریندار بوون و بۆ وەرگرتنی چارەسەری پزیشکی ڕەوانەی ناوەندە دەرمانییەکانی جوانڕۆ کراون. لە لایەکی دیکەوە، ڕۆژی یەکشەممە ١٠ی خاکەلێوەی ١٤٠٤، کۆڵبەرێک بە ناوی “عەکاش تەربیەت” تەمەن ٣٧ ساڵ و خەڵکی پیرانشار لە سنووری”دەستارێ”ی ئەم شارە، بە هۆی سەرما بردووییەوە گیانی لە دەستداوە.