گیان لەدەستدان و برینداربوونی ١٤ کرێکار لە شارەکانی ئێران
دوشەممە ۱۱-۱۱-۱۴۰۰ | 31-01-2022
بەپێی ڕاپۆرتی هەواڵنێریی هێرانا، لە ماوەی ڕۆژانی ڕابردوودا، بەهۆی نەبوونی ئیمەنیی شوێنی کار، ١٣ کرێکار لە شارەکانی ساوە، ئیسلام ئابادی غەرب، ئابیک، گۆرگان، و ئەراک، لە کاتی ئەنجامدانی کاردا تووشی ڕووداو هاتوون. لەم ڕووداوانەدا ٩ کرێکار بریندار بوون و ٤ی تریش گیانیان لەدەست داوە. لە هەواڵێکی دیکەشدا بەڕێوەبەری مانگی سووری پارێزگای لۆرستان باسی لە دۆزرانەوەی تەرمی یەکێک لە کرێکارانی شیرکەتی ئازادڕای پردی زاڵ لە بەنداوی کەرخە کرد و وتی کە ئەم کرێکارە لە کاتی هەستانی لافاوی ئەم دوایانەدا بێسەر و شوێن ببوو و هەتا ئێستا تەرمەکەی نەدۆزرابۆوە.
ئێران لە بواری ستاندارد و پێورەکانی ئیمەنیی شوێنی کار لەناو وڵاتانی جیهاندا پلەی ١٠٢ی بەخۆی تەرخان کردووە.