Komala

ئیبراهیم شەریفی کە لە ڕاپەرینی شاری بۆکان بە تەقەی ڕاستەوخۆی هێزەکانی ڕژیم برینداربوو، ، دوای ١٣ ڕۆژ مانەوە لە نەخۆشخانە،گیانی بەختکرد. ئیبراهیم شەریفی، تەمەن ٢٩ ساڵ و خەڵکی شاری بۆکان، ڕۆژی سێشەممە، ٨ی سەرماوەز، بەهۆی سەختی برینەکەیەوە لە نەخۆشخانەی “سەید شهدا”ی شاری ورمێ گیانی بەختکرد.
بەوتەی سەرچاوەیەکی ئاگادار، ناوبراو لە ڕەوتی راپەرینی حەوتووی ڕابردوو، لە ڕۆژی چوارشەممە، ٢٥ی خەزەڵوەر لە شاری بۆکان، بە تەقەی ڕاستەوخۆی هێزە چەکدارەکانی ڕژیم، بە سەختی برینداربوو.

شایانی باسە کە،تا ئێستا ٧ هاووڵاتی، لەژێر ئەشکەنجەی سەختی دەروونی و فیزیکی ناوەندەکانی سەرکوتی ڕژیم لە شارەکانی کوردستان گیانیان لەدەست داوە.