بریندار بوونی کۆلبەرێک بە هۆی تەقینەوەی مین لە سنووری بانە
شەممە ۲۹-۰۵-۱۴۰۱ | 20-08-2022
کۆڵبەرێکی خەڵکی سەڵماس بە ناوی مەحموود عوسمانی ڕۆژی پێنجشەممە ٢٧ی گەلاوێژ، لە کاتی کۆڵبەری لە سنووری بانە بە هۆی تەقینەوەی مین بە سەختی بریندار بوو.مەحموود عوسمانی خەڵکی گوندی جەنگەسەر، سەر بە شاری سەڵماسە و لە کاتی کۆڵبەری لە سنووری هەنگەژاڵی بانە لاقی چووەتە سەر مین که لە ئاکامدا لاقێکی لە دەست داوە و بینایی هەر دوو چاویشی لەدەست داوە. شەوی چوارشەممەش کۆڵبەرێکی ١٧ ساڵەی خەڵکی سەقز بە ناوی ئامانج ئازەرپوور لە هەمان سنوور و بە هۆی تەقینەوەی مین بە سەختی بریندار ببوو کە مەبەستی چارەسەریی پزیشکی بۆ تاران گوازراوەتەوە.
