لە سێدارەدانی زیندانییەک لە بەندیخانەی خوڕەم ئاباد
سێشەممە ۱۵-۰۶-۱۴۰۱ | 06-09-2022
سزای سێدارەی بەندکراوێکی خەڵکی شاری دوروود سەر بە پارێزگای لوڕستان بە ناوی مەسعوود قائید ڕەحمەتی، سەر لە بەیانی ڕۆژی شەممە ١٢ی خەرمانان، لە بەندیخانەی ناوەندی خوڕەمئاوا جێبەجێ کرا. مەسعوود قائیدڕەحمەتی ساڵی ١٣٩٧لەلایەن هێزە ئینتزامییەکانی ڕژیمەوە دەستبەسەر و دواتر لەلایەن دەزگای دادی ئێرانەوە بە تۆمەتی پەیوەندیدار بە ماددەی هۆشبەر سزای سێدارەی بەسەردا سەپێندرا.
سەرچاوەکانی هەنگاو ڕایانگەیاندووە کە مەسعوود تەنیا شۆفێری ئۆتۆمبێلێک بووە کە لە ناویدا مادەی هۆشبەر دەستی بەسەردا گیراوە و خۆی هیچ ئاگادار نەبووە لەم بابەتەوە.