Komala

لە ماوەی ڕۆژانی ڕابردوودا دوو کرێکاری خەڵکی شارەکانی کرماشان و ورمێ بە ناوەکانی عەزیز موراد کەریمی کەندۆڵە و جەلیل جەعفەری لە کاتی کار کردن و بە هۆی نەبوونی ئیمەنی لە شوێنی کاردا گیانیان لە دەست دا.
ڕۆژی شەممە ١٩ی خەرمانان، کرێکارێکی خەڵکی کرماشان بە ناوی عەزیز موراد کەریمی کەندۆڵە تەمەن ٦٣ ساڵ لە کاتی کار کردن و بە هۆی بەربوونەوە لە بەرزاییی گیانی لە دەست دا.
لە لایەکی دیکەوە، ڕۆژی یەکشەممە ٢١ی خەرمانان، کرێکارێکی خەڵکی ورمێ بە ناوی جەلیل جەعفەری کە لە کاتی کار لە کارگەی چیمونتۆی ورمێ بە هۆی پرژانی سیلیکۆن بە سەر جەستەیدا سووتابوو، بە هۆی ڕێژەی سووتانەکەیەوە لە یەکێک لە ناوەندە دەرمانییەکانی ئەو شارە گیانی لە دەست دا.