جاوید ڕەحمان: پێویستی دەرکردنی بڕیارنامەیەک دژی حیجابی ئیجباری لە ئێران
یەکشەممە ۲۷-۰۶-۱۴۰۱ | 18-09-2022
ڕۆژی شه‌ممه ٢٦ی خه‌رمانان، جاوید ڕه‌حمان نوێنەری نه‌ته‌وه یه‌كگرتووه‌كان سه‌باره‌ت به مافی مرۆڤ ئێران، داوای په‌سه‌ندكردنی بڕیارنامه‌یه‌ك لە لایەن نەتەوەیەکگرتوەکانەوە لە دژی حجابی زۆرە‌ملێ له ئێران كرد.
لەدرێژەی کاردانەوەی کەسایەتییە جیهانییەکان سەبارەت بە کوژرانی ژینا ئەمینی، جاوید ڕەحمان له ڕاپۆرتێكدا ڕایگه‌یاند: دەبێ شۆرای مافی مرۆڤی نەتەوە یەکگرتووەکان سەبارەت بە حیجابی زۆرە ملێ له ئێران بەیاننامەیه‌ك ده‌ربكات و تێیدا توندووتیژییه‌كانی ڕژیمی كۆماری ئیسلامی به توندترین شێوه مه‌حكووم بكات.