کۆبوونەوەی ناڕەزایەتی کرێکارانی دەرکراوی کۆمپانیای نەوت و گازی سیەفام
یەکشەممە ۲۷-۰۶-۱۴۰۱ | 18-09-2022
ڕۆژی یەکشەممە ٢٧ی خەرمانان، کرێکارانی شیرکەتی نەوت و گازی سیەفام بۆ ناڕەزایەتی دەربڕین بەرامبەر بە دەرکردن و ناڕوونی چارەنووسیان لە بەردەم ئۆستانداری هۆرموزگان لە بەندەر عەباس کۆبوونەوە.
ئەم كرێكارانە ماوەی دوو مانگە بەهۆی داخستنی كارگەكە لەكار دەركراون و بێكارن، تا ئێستا چارەنووسیان نادیارە. پێویستە بوترێ کە ئەم کرێکارانە چەندین مانگە حەقدەستیان وەرنەگرتووە .